ЈАС НЕ СУМ ЧОВЕК ОД САРАЕВО

во Сараево

април навистина е најсуровиот месец

во кој се мешаат фантастиката и хоророт во ретортите на телата

духовите висат во воздухот, духовите на книжевната шизофренија

само треба да ги откинеш, овие тажни гроздови на вселената

и за тоа ќе плаќаш со сопствената крв

на Бистрик и Ковачи куќите се оградени со високи ѕидови

а човечките души се отворени како куполи на отомански џамии

воздухот е остар како месец на мртвите

во кафеанските приказни војната никогаш не завршува

дивизиите се распоредуваат меѓу пивските шишиња

се разговара за Србите, Муслиманите и Хрватите

за виновниците и жртвите

стопати утврдената вистина се мери со нанограмска вага

зашто епската нарација е плод на црвените крвни зрнца

ако Бразил е земја со најмногу фудбалски селектори на светот

овде живеат најголем број дрвени филозофи и мизантропи

и наспроти сето она што ме разурнува и ме изобличува

и понатаму учествувам во твоето парадоксално создавање митови

Сараево, ништо ми немаш дадено

освен својата поезија.

Напишете коментар

Вашата адреса за е-пошта нема да биде објавена. Задолжителните полиња се означени со *

  • Address: P.O. Box 109
  • Str. Brakja Miladinovci nr.5
  • 6330 Struga
  • Republic of North Macedonia
  • Phone: ++389 46 786 270
  • Fax: ++389 46 786 280
  • Email: struga@svp.org.mk
Copyright 2020 | All Rights Reserved | Струшки вечери на поезијата
©