Железна река, Пат за в планина, Суша

Железна река

Да седнам да здивнам на тој спржен рид
Злато древно да откопам и со одежда
Царска на времиња стари да се јавам и викнам
Да ја симнам месечината на земја
И целивки и рожби нејзини да најдам
Се само на пат кон Река каде што
На навраќање од Вселената мене пак ме има
Во топлината на првите зборови и зрели капинки
Meѓy девојчињата и струите на Река.
Каменот фрлен од Бога тука на прагот
Да згазам
Да се прекрстам
И в сон да си го најдам -Сонцето
Тоа постојано нешто
Што го гледам
И што ме гледа.

 

 

Пат за в планина

Ќе го пронајдам црвениот камен на громот
О исушено билје
ќе те завиткам во цигара
и ќе те запалам од молњата
Лош знак ми дава небесната mица
Не пиј ноќна вода
коњу мој бос
Не ќе ме однесеш дома
Маtија закопале во темелот на мојата куќа
Подземен ветер ми ги исече нозете
Ќе легнам во ѕвездените бавчи на ридот
на постела од ружи
Ај свеќа нека ми запалат на челото
и град нека ме испокрши
Се готвев да пуштам корен
а дојде мојата кртица
Коњу мој бос ќе цркнеш од тежина
Добитокот ми го преградува патот
Небото го изгорела молња
Полетај ми в глава плачно камење
Ни во петлени доби не ќе стигнам дома.

 

 

Суша

Наведнат до скршување добитокот
силно рика за секој изгубен рог
Небото не слуша
Нанижани во круг птиците
имаат тврдо летање во воздухот
Ние имаме отворени дланки за молитва
Часовникот им ја бележи
горештинитена тревите
Ветерот одвај донесува две три капки дожд
Распукани и раскрвавени нозете
се можат да убијат по патот
Мравките обележувајќи црн конец
се закопуваат длабоко
Започнува да паѓа задоцнетиот дожд
Ние имаме отворени куќи за поплава
Телото во водата ме боли округло
Не лета во воздухот мојата отепана птица
Можам да го отворам прозорецот
и да викам до лудило.

Напишете коментар

Вашата адреса за е-пошта нема да биде објавена. Задолжителните полиња се означени со *

  • Address: P.O. Box 109
  • Str. Brakja Miladinovci nr.5
  • 6330 Struga
  • Republic of North Macedonia
  • Phone: ++389 46 786 270
  • Fax: ++389 46 786 280
  • Email: struga@svp.org.mk
Copyright 2020 | All Rights Reserved | Струшки вечери на поезијата
©