Алекс Сковрон – ГОЛЕМ

Одам меѓу вас, дишам глина,
Сѐ што допирам е замачкано со црвеница,
Вие кои ме создадовте нема лесно да го заборавите денот
Кога вашите пресметки и вашата магија ме родија.
Ќе ги создадам моите земски генерации
Според мојот лик, ќе ја победиме вашата суета,
Ќе ве преобразиме за вашето долгопосакувано раширување
На хармонија и блаженство. Но, знајте го ова: рајската
Среќа ќе ви ја бара душата за новиот здрав разум:
Оние што ќе ги сториме разумни, први треба да ги уништиме.

Превод: Елида Бахтијароска