|Јовица Ивановски

Јовица Ивановски е роден во Скопје, 1961 година. Автор е на петнаесет книги поезија и неколку избори на македонски и англиски јазик. Застапен е во повеќе антологии и препеан на петнаесетина јазици. Добитник на наградата „Браќа Миладиновци“, на Струшките Вечери на Поезијата за книгата „Човек“ (2019). Сè уште живее и работи во Скопје.

 


ШВАЛЕРСКА

Нејзините гаќи во неговиот џеб,

карминот насмеан на околувратникот.

Се душка под мишка – цел мириса на неа.

Куче е, разлигавено над нејзиното отсуство.

Одбива да се истушира за да не ги измие

допирите.

Градникот и лустерот, кошулата и фотелјата,

обетките обетнати на ушите на звучникот.

Чаршафот и сe што се излеало од нив

(коктел од љубовни сокови).

Си ги враќа позите и пак му се крева.

Знае дека нема совршено убиство,

ниту совршена љубовна измама.

Сите зад себе оставаат траги,

особено забеганите љубовници.

Не оди ова повеќе вака – си вели,

ги запоставив работата, семејството,

родбината, околината, целиот свет.

Ѝ се јавува и ѝ вели:

Соблакај се, доаѓам веднаш!

Напишете коментар

Вашата адреса за е-пошта нема да биде објавена. Задолжителните полиња се означени со *

  • Address: P.O. Box 109
  • Str. Brakja Miladinovci nr.5
  • 6330 Struga
  • Republic of North Macedonia
  • Phone: ++389 46 786 270
  • Fax: ++389 46 786 280
  • Email: struga@svp.org.mk
Copyright 2020 | All Rights Reserved | Струшки вечери на поезијата
©