Дали го слушаш ти го
слушаш светот
си мислиш, но се слушаш само
и само себеси, мрачниот јазик
на светот скриените места
под дрвјата зад светлата
е мракот, паѓаш надолу толку
длабоко, можеш да паѓаш низ него
засекогаш, и колку е гласен
светот, ноќта во дрвјата
како јато папагали се искачува
мрачниот јазик на светот
се искачува низ тебе додека
паѓаш, мило себемило
осамено, самопаѓање молчешкум
неми усни обликуваат звук
MK 
EN