Кедиџа Гадум

Кедиџа Гадум (Тунис – САД) е поетеса и книжевна преведувачка. Таа е авторка на Решетки во ревност (Шпанија, 2013), Надвор од морето: Бибенес (Шпанија, 2016), Надвор од морето: Бибенес (Италија, 2019). Нејзините преводи ги вклучуваат следните наслови: Гласови од Тајван: Антологија на современа тајванска поезија – заедно со Ли Куеи-Шеи (Шпанија, 2017), Тајван не е име. 19 современи тајвански поети (Колумбија, 2020) и Дневници од бел јасмин: Антологија на современа туниска поезија во превод (Тајван, 2020). Нејзината претстојна поетска збирка поезија во превод е Надвор од Шехерезада: Современа поезија од жените од Магреб (Алжир, Мароко, Тунис), заедно со Маргарита Гарсија Касадо, која ќе биде издадена од „Валпараисо едишнс“ (САД, 2022). Таа превела од шпански на англиски и од арапски и англиски на шпански јазик голем број поети од Африка, Европа, Латинска Америка, Блискиот Исток и Западна Азија. Нејзината поезија е објавена во бројни државни и меѓународни изданија. Таа беше финалистка на XXV конкурс на нови поетски гласови (Шпанија, 2012). Учесничка на поетски читања и на фестивали во САД, Латинска Америка, Европа, Азија и Африка. Нејзината поезија е преведена на неколку јазици. Таа соработува со неколку списанија за книжевност, поезија и превод. Магистрирала и докторирала во полето на современата латиноамериканска книжевност и култура на Државниот универзитет во Охајо, а неодамна се пензионирала од Универзитетот „Џорџија“, во САД. Таа е член на американскиот ПЕН.

Песна: мистика