Лаура Ачербони – ВЧЕРА

Вчера највисокото дете
си стави камен
помеѓу забите
и започна да џвака.
Ѝ покажа на мајка си
што може да направи една уста
ако биде ставена на работ
и дека една уништена куќа
не е ништо освен уништена куќа.
Вчера сите највисоки деца
ги оставија непријателите да гладуваат
и набрзина им ги собраа играчките.
На мајките им ги покажаа
редот
и дисциплината на мртвите
потоа отрчаа да си ги измијат рацете
и да слушаат
вести
во форма на заспивалки.
 
 
Превод: Живко Грозданоски