Слоеви водена пара крчкаат во тавата, и полека
се креваат да ти ги галат контурите од градите
додека готвиш, замешувајќи зачини во морков, млеко,
и павлака – состојки што создаваат
рецепти од глад и страст. Додека топиш
шеќер и путер и нежно наросуваш
лушпи рендани листиња бадем,
уште слоеви миризлива пара ти ја обзема
свилата на кошулата – сега проѕирна од топло –
обојувајќи го надворешниот круг на брадавичките
до стврднат врв, вкусувајќи ја слатката
кожа, површината на насобрана плот,
до кремаст залак беспрекорен деликатес.
Превод: Ана Топенчарова
MK 
EN