Ако не го дочекам Петровден
А ти
Ти премажи се
И свадбата нека биде галичка
Па да те чујам убавино
На гробиштата кога ќе тргне тешкото

Сите момчиња покојни
Јас можеби мртов можеби пијан
Лежам тука под лажно име
Атанас Параходотов

И додека мртвите сватови ги викаш
Јас од гроб туѓ ќе станам
Ако ми кажеш знаеш ти што
Ако ми кажеш како Нина Спирова
Ако ми кажеш
Çok seni severam