Може ли да имам еден нов бог

еве ова бокалче вода, да речеме,

ќе му се молам наутро, пред ручек и пред спиење

ќе растам низ знаењето на неговата мудрост

Или она детенце, можеби,

што проси скаменето како скулптура на некој бог

кој никогаш нема да биде славен

Или врапченцено, зошто да не,

ќе му изградам храм на работ од прозорецот

ќе му принесувам овес, леб и љубов

Може ли да имам еден нов бог

еве онаа врата, на пример,

што гледа кон планините, дивечот, полињата

тревите, лековитите билки