(Errata)

 

Во Книгата на венчаните

се протнала грешка:

матичниот број на невестата

нема една бројка

 

Во Книгата на родените

се протнала грешка:

во презимето на бебето

голтнале буква

 

Велат дека

дури и во Египетската

Книгата на мртвите

се провлекол некаков

обратен профил, дека дури и во

Собраните дела на

најмудрите ќе наидете

на чудни лапсуси

 

Велат, сите се

протнуваме

со нашите грешки:

секој со својата

невидлива

errata