Поети

Патрик Котер досега има објавено неколку песнарки, романот во стихови Синиот кошмар на женомразецот („Raven Arts Press“, 1990) и целосните изданија: Збунета кожа („Arlen House“, 2008), Создавање музика („Three Spires Press“, 2009) и Сонично бела смиреност („Dedalus Press“, 2021). Во 2014 година Никој не знае била објавена во Македонија како двојазично издание.

Неговите дела се застапени во голем број антологии, меѓу кои Засебни острови: Современа британска и ирска поезија („Quarry“, Онтарио), Ирска поезија денес („Wolfhound“), Отскокнување од сенки – неколку современи ирски поети („Cork University Press“), Ирскиот Ерос („Gill & Macmillan“), Задниот двор на рајот (Newfoundland), Нешто што почнува на П („O’Brien Press“) и Големата книга за Ирска.

Неговите преводи на естонскиот поет Андрес Ехин се собрани во книгата Лос бубачка ластовичка („Southword Editions“).

Неговите песни се објавувани во разни списанија и весници, како на пример: Фајненшел тајмс,  Лондон ривју оф букс, Ајриш тајмс, ПН ривју, Поетри поетри, Иреланд ривју, Поетри ривју, Поетри Велс и многу други.

Песните на Котер се преведени на кинески, хрватски, естонски, француски, хинди, унгарски, италијански, македонски, нордиски, норвешки, полски, руски, српски, словенечки, шпански, шведски и турски јазик. Својата поезија ја читал во Ирска, Канада, Кина, Хрватска, Естонија, Франција, Германија, Индија, Италија, Македонија, Норвешка, Словенија, Турција и САД.

Во 2013 година ја добил наградата за поезија „Китс-Шели“.