Благословени да се слепите коцки –

тие не подлегнуваат на искушение.

Благословена да е картата невидена –

таа е во состојба на невиност,

сè дури не ја допре раката на крупието.

Благословени да се паричките петка-глава –

мудроста на нивното потфрлање

го спојува рајот со пеколот.

Благословена да е лудата џамлија

што се тркала во тркалото на рулетот –

екстатична е во својата несигурност.

Благословени да се дивите броеви

пред извлекувањето на Шабат –

го подучуваат Бога на еднаквост.