на Рацин и Раца

Би го земал името твое

за да можам суштината да си ја дополнам

подај ми го името твое

за целост конечна да бидам

 

И како да умрам

без името твое дел од моето да не е,

па да пукнам подобро

отколку да сум просто именуван вака.

 

Би го земал името твое

и мое второ би го направил,

само така ореол ќе имам

и в храм ќе постојам.

 

И како да ме нацрта Рубљов

знаејќи дека светец не сум без твоето име,

па да не ме слика подобро

отколку така несвет обесен да светам.

 

Би го земал името твое за вечно до мене да си

та така бесмртна ќе си,

а јас ќе сум вечен,

преименуван по тебе –

– красен.