Кога бев дете ми велеа:

не му се приближувај на кучето, оти може да те касне;

не ѝ се приближувај на мачката, оти може да те изгребе;

не ѝ се приближувај на кравата, оти може да те повреди;

не му се приближувај на коњот, оти може да те клоцне!

Потоа пораснав,

кучето не ме касна,

мачката не ме изгреба,

кравата не ме повреди,

коњот не ме клоцна.

Но, еден ден, додека ги поврзував раните, реков:

зошто никој не ми рече „не му се приближувај на човекот“?