Поети

Лор Комбо живее во Париз. Таа е поетеса, пијанистка, авторка на детска книжевност и текстописец. Во трајна рамнотежа меѓу „плодноста на звуците“ и „магискиот реализам на зборовите“ (Д. Х. Лоренс), таа полага право врз сопствената чудност.

Има објавено десет збирки поезија. За „Писма до небесниот разбојник“ („Амандиер“, 2010) и била наградена со „Понсетон“ наградата на Француската академија на науките и уметностите. Во нејзините најнови дела спаѓаат „Девојката обоена во сино“ („Карактерес/Екритс дес Форгес“, Квебек), и „Мојата кожа те штити само тебе“ („Ле Кастор Астрал“). Во 2017 година ја објавила „Крпениот капут – патување низ здивот“ („Унсите“), книга инспирирана од нејзините средби – духовни и временски – со редот „Бекташи“ („роднини“ на суфистите). Книгата била добитник на наградата „Венус Коури-Гата“ во 2018 година. Нејзината збирка „Големиот мотел ’Биотоп‘“, која ја објавила издавачката куќа „АПИК“ од Алжир во 2021 година, била финалист за „Аполинер“ и „Маларме“ наградите, а била добитник на наградата „Леон Пол Фаргу“ во Париз за 2022 година. Во 2023 година ја објавила „Очите на мувата“ („Ле Кастор Астрал“) и книгата била финалист за неколку награди. Таа е член на Друштвото на поети „Миа Лекомте“ и соработник на списанието „Апуле“.

Како пијанистка, таа има објавено едно ЦД со романтична музика, заедно со обоа (Лорен Хакард, „Хибридмјузик“), а, пак, „Покана за патување или околу светот во 88 белешки“ е во подготовка. Таа редовно изведува камерна музика, со лирски уметници и писатели.