Поети

Роза Бојанова е родена на 6.3.1953 година во Раброво, Кулско, Бугарија. Има завршено бугарска филологија на Универзитетот „Константин Преславски“ во 1976 година, во Шумен, Бугарија. До 1988 година работи во областа на културата во Шумен: во Окружниот совет за култура и во Уметничкото училиште. Оттогаш живее во Бургас каде што од 1989 година е ликовен наставник по креативно пишување за деца и организатор на настани во ОУ „Љубен Каравелов 1940“.

Автор e на 20 книги поезија, публицистика и книжевна критика. Составувач и уредник е на антологии и зборници објавени во Бугарија и во странство. Автор е на две книги нефикција: „Книжевни игри со деца“ (коавторство со Красимир Кунчев), Народна младина: 1988 година, Софија, Бугарија. Документарна студија за психологијата на креативниот процес. „Книжевни игри со деца“ или „L’ar Pedagogique“ (коавторство со проф. Красимир Кунчев), Вага скорп: 2005 година, Бургас, Бугарија. Второ, проширено издание.

Награди и други почести: Национална награда за поетско деби „Владимир Башев“, 1985 година за книгата „Жедна вода“, Софија, Бугарија. Национална награда за поезија „Иван Пејчев“, 2007 година за книгата „Далечен диптих“, Шумен, Бугарија. Меѓународна книжевна награда „Ана Ахматова“ за исклучителен придонес во промоцијата на руската литература и во поетската интерпретација на женската душа, 2019 година, Софија, Бугарија. Номинација за престижната европска поетска награда на 15. издание на Меѓународниот фестивал на поетски ноќи, 2011 година на Меѓународната академија „Исток-запад“ во Куртија де Аргес, Романија. Добитник на македонската книжевна награда „Дедал“. Почесен граѓанин на Бургас.