Поети

Анеке Брасинга (Схарсберген, Холандија, 1948) е холандска поeтеса, преведувачка, есеистка и прозна авторка. Студирала книжевен превод на Универзитетот во Амстердам и превела дела од Владимир Набоков, Силвија Плат, Самјуел Бекет, В. Х. Оден, Харт Крејн и Ин- геборг Бахман.

Нејзиното официјално поетско деби е збирката Аурора (1987). От- тогаш објавила бројни поетски книги и се етаблирала како една од најзначајните и најоригинални авторки во современата холандска поезија. Нејзиното творештво е препознатливо по јазичната инвен- тивност, богатата имагинација, интертекстуалноста и истражување- то на природата, љубовта, сеќавањето и самиот јазик.

Добитничка е на наградите „Херман Гортер“, „Паул Снук“, „Ида Герхард“ и VSB-наградата за поезија, како и на престижните награди

„Константин Хајгенс“ (2008) и „П. С. Хофт“ (2015), едно од највисоките книжевни признанија во холандското јазично подрачје. Во 2026 годи- на ја добива „Златниот венец“ на Струшките вечери на поезијата.

Нејзината поезија е преведена на бројни јазици. Критиката често ја опишува како „волшебничка на јазикот“, истакнувајќи ја нејзината способност одново да ги открива и проширува можностите на поет- скиот израз.

 

Библиографија

Поезија

• Aurora (Аурора) (1987)
• Landgoed (Имот)(1989)
• Thule (Туле) (1991)
• Zeemeeuw in boomvork (Лебед во дрвена крошна) (1994)
• Huisraad (Покуќнина) (1998)
• Verschiet (Видик) (2001)
• Timiditeiten (Срамежливост)(2003)
• Wachtwoorden. Verzamelde herziene gedichten, 1987-2003. (Лозинки) (2005)
• IJsgang (Одење по мраз) (2006)
• Ontij (Невреме) (2010)
• Het wederkerige (Взаемно) (2014)
• Verborgen tuinen (Скриени градини) (2019)

 

Проза

• Hartsvanger (Ловец на срца)
• Hapschaar (Клешта)
• Het zere been (Чувствително место)
• Tussen vijf en twaalf (Меѓу пет и дванаесет)
• Bloeiend puin (Расцутени урнатини) (2008)

Есеи / други

• Crudités (Свежи парчиња)