page

<h2 class="gb-headline gb-headline-53b83d94 gb-headline-text">Нaградата „Енхалон“ е востановена во 2012 година како награда за најдобра песна од млад автор од Република Северна Македонија</h2>
<p style="text-align: justify;">   Нaградата „Енхалон“ е востановена во 2012 година како награда за најдобра песна од млад автор од Република Северна Македонија прочитана на Фестивалот. Во историјата на Фестивалот, неколку пати била доделувана награда за песна, па дури и најголемата, „Златен венец“, во првите години од востановувањето. Наградата „Енхалон“ има за цел да го поттикне поетското творештво кај младите творци.<br />
   Своето симболично, многузначно име го добива по античкото име на градот Струга – Енхалон, што значи јагула, со алузија и на патот и враќањето на младите јагули во водите на Охридското Езеро преку реката Црн Дрим, симболизирајќи ги во овој контекст обновата и развојот на поезијата.</p>


Награда „Енхалон“

<h2 class="gb-headline gb-headline-53b83d94 gb-headline-text">Наградата „Браќа Миладиновци“ е востановена во 1963 година како признание за најдобра поетска книга меѓу две изданија на фестивалот „Струшки вечери на поезијата“.</h2>
<p>Наградата „Браќа Миладиновци“ е најважната национална награда за поезија во Македонија. Наградата е именувана во чест на истакнатите македонски просветители и преродбеници, браќата Димитар, Наум и Константин Миладинови. Најстариот брат Димитар беше собирач на македонски умотворби и просветител, средниот брат Наум е првиот македонски музиколог и мелограф, а најмладиот брат Константин се смета за основоположник на современата македонска поезија. Во негова чест, во 1961 година беа започнати „Струшките вечери на поезијата“. Наградата „Браќа Миладиновци“ се доделува за најдобра поетска збирка издадена меѓу две фестивалски изданија. „Струшките вечери на поезијата“ секоја година објавуваат репрезентативно издание од добитникот на наградата „Браќа Миладиновци“ преведено на англиски јазик. Прв добитник на наградата беше Матеја Матевски за својата поетска книга „Рамноденица“ во 1963 година.</p>


Награда „Браќа Миладиновци“

<h2 class="gb-headline gb-headline-53b83d94 gb-headline-text">Наградата „Мостови на Струга“ е награда на УНЕСКО</h2>
<p>Kако реномиран светски фестивал, „Струшките вечери на поезијата“ се одржуваат под покровителство на УНЕСКО, при што се доделува и награда на УНЕСКО „Мостови на Струга“ за најдобра поетска збирка од поет-дебитант од светот по пат на меѓународен конкурс.</p>
<p>Наградата е востановена во 2003 година. Прв добитник е Ангело В. Суарез (Филипини)</p>


Награда „Мостови на Струга“

<h2 class="gb-headline gb-headline-53b83d94 gb-headline-text">Наградата „Златен венец“ е една од најзначајните интернационални награди за поезија во светот.</h2>
<p>Наградата „Златен венец“ е востановена во 1966 година. Oттогаш па до 1971 година се доделува за најдобра необјавена песна прочитана на Фестивалот. Од 1971 година „Златен венец“ се доделува за целокупен поетски опус.</p>
<p>„Златниот венец“ претставува уникатна рачна изработка. Нацртот на „Златниот венец“ го изработил македонскиот сликар и графичар Димче Протуѓер, кој тогаш бил член на Советот на „Струшките вечери на поезијата“.</p>
<p>Меѓународното признание, наградата „Златен венец“ се доделува на Меѓународниот поетски митинг „Мостови“, на истекот на реката Црн Дрим, пред повеќеилјадна публика. „Струшките вечери на поезијата“ секоја година издаваат репрезентативна книга поезија од добитникот на наградата „Златен венец“ во оригинал и во препев на македонски јазик.</p>
<p>Извадоци од книгата „Поетска престолнина на светот“ од Гоце Ристовски.</p>


Награда „Златен венец“

Адреса

Контакт

Линкови

Струшки вечери на поезијата - лого

Site Settings

Социјални мрежи

Тиквеш

Хотел Карпош

Versopolis

Creative Europe Programme

Kennedy Technology

Струшки вечери на поезијата е меѓународен поетски фестивал што се одржува секоја година во Струга, Република Северна Македонија.

Награди

Најнови наградени поети

Наши награди